Antzerkia: «Badakizu plastikozko loreak ez direla inoiz bizi izan, ezta?»
Lanak gai hauek jorratzen ditu: bakardadeak, ezintasunak, bizitzen jarraitu ahal izateko janzten ditugun maskarak, buruko gaixotasunak, desamodioa, zahartzaroa, suizidioa, depresioa eta mugitzeko gai ez den gorputz batean bizitzeko ausardia —nahiz eta adimenak etengabe lanean jarraitu—. Baina komediatik hitz egiten du. Tarteka komedia oso tragiko batetik, hain tragikoa, non barre egitea besterik ez baitzaigu geratzen.